3 طرق عشان تعملي شعرك كيرلي

وزيرة عدد الرسائل : 303 تاريخ التسجيل : 01/05/2007

الطريقة الاولى

الشعر الكيرلي أو المجعد بيتعمل بطرقتين .. طريقة بنستخدم فيها الآلات وطريقة يدوية .. خلونا نبدأ بالطريقة اللي هنستخدم فيها آلات ودي لو عملتيها صح هتحصلي على شعر كيرلي زي الكتاب زي ما بيقولوا

اول حاجه نجهز الشعر للكيرلي بتجهيز عدة الشغل الأول ..

1- استشوار قوته مناسبه لنوعية الشعر.. كل ما الشعر كان جاف ومجعد كل ماكان يفضل استشوار أقوى

2 - مشط الرول Roller hair brush ويفضل من نوعية الي شعرها غليظ كثيف..

3 - موس او الرغوه volumizing mousse

4-كريم التثبيت والاستايل أو styling cream

3 طرق عشان تعملي شعرك كيرلي Hairstylingcreamstraighsd9

5- مشط العادي

ندخل بقى لكيفية تجهيز الشعر بخطوات سهله وبسيطه..

1- تغسلي الشعركويس بالشامبو المناسب وحبذا تكوني عاملة حمام زيت هيطلع روعه !!

2- تجففيه شويه ...
3- خليه نص مبلول ونص ناشف .. مش مبلول قوي يعني ومن ثم وزعي الكريم او الرغوه على كامل الشعر..

4- اعلمي شعرك استشوار باستخدام المشط الرول والاستشوار..

و بكده بقى جاهز للكيرلي

دلوقتي هاشرحلكم الطريقة عشان نعمل الكيرلي

هنحتاج الآتي :

1- جهاز Hot Rollers
وده جهاز مش ضروري قوي يعني بس هو بتسخني فيه الرولز قبل ما تحطيها على شعرك

وطريقة الاستخدام كالآتي

1- بعد ما جهزتي الشعر بعد الاستشوار.. قومي بتجزئته وسرحيه بمشط عادي

2- هاتي الرولز بعد ما سخنتيه وجهز وحطيه على الشعر بالخطوات دي ..

3- بعد ما توزعيه على الشعر كله سيبيه لمدة تتراوح من 40 دقيقه لساعه..

4- واحده واحده اتخلصي من الرولز وبعد كده رشي اسبري علشان التثبيت..

وبس..

والنتيجة النهائية بإذن الله هتبقى زي كده

ودلوقتي هاشرحلكم الطريقة التانية لعمل الكيرلي ..

الطريقة دي باستخدام الـ curling tong جهاز "كيرل تونغ" وهو جهاز مش غالي خالص تقدري تجيبيه من التوكيلات لو حبيتي زي Broun مثلا أو تقدري تجيبي حاجه مش أصلي من محطة الرمل بسعر مناسب جدا..

جهزي الجهاز وسخنيه شويه كده ..

3 طرق عشان تعملي شعرك كيرلي Hi20lift20digi1fu5

3 طرق عشان تعملي شعرك كيرلي Hicurl2020pro20curling2qz5

وطريقه الاستخدام كالآتي ..

1- بعد ما يجهز الشعر سرحيه وجزئيه كذا جزء ..

2- تجيبي الجهاز وتستخدميه بالشكل ده ..

والشكل النهائي هيبقى كده بإذن الله

الطريقة التالتة

دي بقى طريقة عملية جدا وسهلة جدا لعمل الكيرلي من غير أي أجهزة أو معدات !!

بصي يا ستي ...

الطريقة دي يدوية وفي بنات كتير بيعملوها في البيت وهي سهلة وبسيطة وشكلها النهائي اما يكون مرتب أو عشوائي وهو عموما مقبول وتقدري تعمليه بالخطوات التالية :
1) رشي الشعر بالماء كاملا .
2) وزعي القليل من الجل على الشعر.
3) سرحي شعرك كويس .
4) تقسيم الشعر الى خصل متساوية وقليلة .
5) تضفير الشعر خصلة خصلة الى ان ينتهي كامل الشعر ، وتسيبي الشعر لحد ما يجف وبعد كده تسرحيه بمشط سنانه عريضه .
6) أو يمكن استخدام طريقة اخرى وهي .. لف الخصل على قطعة من القصدير بحيث تبرم الخصل على القصدير الى الأعلى الى أن ينتهي كامل الشعر ويترك الى ان يجف .
7) أو تقسم الخصلة الى قسمين وتبرم الخصلة مع الأخرى وتلف الى الأعلى وتثبتيها بالبِنَس

ياريت يابنات تجربوها وتقولولي ايه الأخبار ..

الرئيس عدد الرسائل : 179 تاريخ التسجيل : 14/04/2007

جميل والله تسلمي يا ريما عالمجهود الجامد ده

بس انا شايف انها مكلفة شوية

وزيرة عدد الرسائل : 303 تاريخ التسجيل : 01/05/2007

Mida كتب:: جميل والله تسلمي يا ريما عالمجهود الجامد ده

بس انا شايف انها مكلفة شوية

لو مكلفة هجبهملك هدية منى ليك ههههههههههههههههههههههههههههه

ميرسى يا قمررررررررررر على المرور كتير بيسعدنىىىىىىىىىىىىى

تحياتى