{{ يقول العاشق اللي غاص سيف الحب في صدره }}
يقول العاشق اللي غاص سيف الحُب في صدره
,,,,,,,,,,,,,,,,, دخل في خافقه سيف الغرام بحدّه العاري
تجرَّد من غماده وإستوى في مهجتي قبره
,,,,,,,,,,,,,,,,,يموت السيف في صدري ودمّي بالهوى جاري
على شان الهنوف , الجادل , الشيهانه , المهره
,,,,,,,,,,,,,,,,,فتاة ٍ فاتنه تفتن ليا استولت على الطاري
عنودٍ عاندتني بالعيون اللي لها سكره
,,,,,,,,,,,,,,,,,عيون ٍ خادره وإرموشها فيها الكسل ساري
انا اشهد لو تخزّ اطلق شنب!يرمي لها الغتره
,,,,,,,,,,,,,,,,,وانا! لبّستها الغتره وفيها زانت اشعاري
لها وصفٍ فريد ونالت الإعجاب والشهره
,,,,,,,,,,,,,,,,,محيَّاها كما برق ٍ بوسط المزن سَمّاري
من اجل اوصافها صخر لها ( سابك ذهب ) شعره
,,,,,,,,,,,,,,,,,عَظيم اوصافها يعجز بها الكاتب مع القاري
لها ثغر ٍ كما الجمره مثل جمر الغضى ثغره
,,,,,,,,,,,,,,,,,تعظّه بالبَرَد! مدري بياقوتٍ ومحّاري!
انا ادري مُعجزه فــِ الكون والله راعي القدره
,,,,,,,,,,,,,,,,,خلـَق في ثغرَها وصفٍ سوات الثلج والناري
وياسبحان من وللف مابين الثلج والجمره!
,,,,,,,,,,,,,,,,,بوسط النار ثلج0 وصار ثلج ونار سهّاري
غريبه مايذوب الثلج!؟ كيف النار مستعره!؟
,,,,,,,,,,,,,,,,,صداقه بين ثلج ونار فيها الفكر يحتاري
صداقه صادقه قبل امس , واليوم , وبعَد بكره
,,,,,,,,,,,,,,,,,مثل ماني مصادق صادق ٍ صادق لي افكاري
وانا ماكنت اصدّق من يقول(العشق من نظره )
,,,,,,,,,,,,,,,,,وصدّقت المثل بعد الغرام وسمّه الهاري
حقيقة عاشق ٍ سيف المحبه غاص في صدره
,,,,,,,,,,,,,,,,,دخل في خافقه سيف الغرام بحده العاري
الأربعاء مايو 09, 2007 9:28 pm
